Аграгарадок Ляскавічы - невялікі населены пункт на крайнім паўднёвым захадзе Петрыкаўскага раёна Гомельскай вобласці, цэнтр Ляскавіцкага сельскага савета. Менавіта тут знаходзіцца адміністрацыйны цэнтр Нацыянальнага парка «Прыпяцкі».
Ляскавічы знаходзіцца ў самым цэнтры беларускага Палесся, у пойме буйной ракі Прыпяць. У разводдзе і пры дажджавых паводках пойма Прыпяці ператвараецца ў сапраўднае мора - шырыня яе разліву можа дасягаць 30 км, нездарма рэгіён часта называюць Палеская Амазонія.
Такое унікальнае размяшчэнне Ляскавіч абумоўлівае яго аддаленасць ад буйных гарадоў і аўтамагістраляў. Аграгарадок выдалены ад цэнтра раёна г. Петрыкава на 24 км, а ад цэнтра вобласці г. Гомеля - на 215 км. Для таго, каб даехаць да сталіцы Беларусі г. Мінска, спатрэбіцца пераадолець адлегласць у 250 км.
Невялікая траса, на якой знаходзіцца аграгарадок Ляскавічы, злучае Петрыкаў і Жыткавічы.
Ekskursii.by
Нацыянальны аэрапорт Мiнск